Ich zou dich wille belle,miene kop zit vol mit vraoge,of ein mailtje nao dich sjikke,wil mich neit mee langer plaoge.

Ich weit, ‘t klink erg ónbelaef,mer ich wil ‘t toch perbeiere,maag ich van dich ‘t mobiel nr.en e-mailadres noteiere ?

Ich weit doe geis meistes euver zónnige zake,mer geis doe ouch euver elenj, oorlog, leid,geis doe ouch euver waat de minsjzich óngerein zoal aandeit?

Zoug lèts op tv. Siamese tweelinge,twee köp op mer ein lief,kènjer in sjoelkeldesj,kapotte fabrikke, boete bedrief.

Ich lous euver mishanjelinge,d’r wurt gemaord, bedreig,soms is ‘t duuster op dees welt,óntbrik gelök, zónleich.

Misbroekaffaires in de kirk, nou, nou,dat celibaat, de bierol van de vrouw,God, estebleif, laot dich èns heure,laot dat toch neit zo mer gebeure!

Geis doe allein euver zakewo me gouwe seier mit kènt make,of maag me dich ouch aansjpraekeeuver orkane, euversjtruimde baeke?

Enfin, dao-euver wil ich dich maile,appe, wil ich belle,ich haop das doe mich helpe wils,laot Phil neit langer helle.