Ich waar lèts in d’n haof van de Ursuline,in eine houk daovan, op de kleine kirkef,in Zitterd, aan de wal, mee es ein eeuw awd,ich tèlde 87 kruutser, ‘t waar get kawd.

87 Zusterkes, begiene, ligke dao begrave,ómgaeve door ein moer, sjtil in eine houk,gaot gerös èns kieke, al is ‘t mer aeve,laes de name van maedjes, vrouwluuj, ootsj vol laeve.

Dominica Giesen, Angèle Flecken, Philomène van Leeuwen,Martina Rovers, Julienne Storms, Monica Moonen,Anna Ritzen, Alphonsa Vrouwenraets, Agatha Valent,allein hun name zeen nog present.

Ich noteierde : 1832 – 1897, 1862 – 1942,1880 – 1961, 1842 – 1930, 1821 – 1906,1835 – 1947, 1880 – 1961, 1898 – 1971, en nog mee,19de en 20ste eeuw, mee es 50 jaor geleeë.

Effe gans sjtil sjtóng ich dao bie die moer,dach: ‘Wo koume ze vandaan? Wie höbbe ze gelaef?Wie koume ze in ‘t klooster? Waat höbbe ze dao gedaon?Waat vertèlde ze zich? Is d’r gelache, leit me ein traon?’