Wie ich woort gebaore,1950 waar ‘t doe,ware väöl dènger gans angesj,waar ‘t angesjter es noe.

Ein elektrisch koffieapparaat haw nemes,eine auto en riebewies ènkele luuj,kleijer woorte langer gedrage,me sjtouk zich zelde in ‘t nuuj.

Shoarma, dreuge wien en pizza,10 saorte beier, spaghetti, paprika,iestaart en anger diepvriesaetekoosj te in 1950 vergaete.

Kip-mango, ein breudje carpaccio,orange coffee of coffee to go,nao McDonald’s veur eine Big Mac,tapas, wie in Sjpanje, jóng, bès te gek?

Op zee ein cruise, mit ‘t vleigtuug nao Antalya,Barcelona, Istanboel, Malaga,nao Benidorm, Samos, Milaan,dao dach in 1950 nemes aan.

Mit d’n trein nao Amsterdam, Den Haag,Londen, Paries of Praag,haos nemes deig dat doe,gans geweun vindj me dat noe.

Me waar al blie mit Sjteinerboesj,Mestreich, de Brunssummerhei,mit de fits langs de Maas,of nao de Lömmericher boesj in mei.

Waar me dood, woort nao de kirk gegange,daonao oppe kirkef bie ‘t graaf gesjtange,de femieje in zjwart of gries gekleid,cremeiere dat gouf ‘t haos neit.

Haos nemes haw doe telefoon,televisie sjtóng nog in de kènjersjoon,eine computer, iPad, tablet, iPhone,in 1950 waar gans get angesj te doon.

Nuuts oppe radio en get meziek,waar ‘t ènnigste wat me heurde,en soms kraakde ‘t ouch nog,me zag dan: ‘Hae sjteurde’.

Fysiotherapie en móndjhygiënegouf ‘t doe haos neit,jus wie pedicure, fitness, oet aete,me haw ‘t neit breid.

Zero sugar, cholesterol, vegan, van dees weurdhaw in daen tied nog nemes geheurd,jus wie rouke, dat leek doe haos gezóndj,wae haw neit allemaol ein segrèt in de móndj?

Lóch- en watervervoeling, CO2,me kalde neit d’reuver, haw gein idee,nao de kirk op zóndigmörge, nao ‘t lofóm drie oer,mam haw geine ieskas, de mèlk waar dèkser zoer.

Op sjool zaote veer in rieje,mit de erm euverein, gans braaf,mit kreunkespen woort d’r gesjreve,mit eine ènklap vaegde me die aaf.

Versjille tösje doe en noe,ich weit d’r bès nog mee,mer luuj, alles mit maote,ich wil ouch nog get aan de laezer euverlaote.